Навоийда мактаб директорига “Президент совғаси” — “Спарк” автомобили топширилди

Жорий йилнинг 8 апрель куни Навоий вилояти Кармана туманидаги 2-сон умумтаълим мактабига раҳбарлик қилаётган Турсуной Халилова “Бир миллион дастурчи” лойиҳасида мактаб ўқувчилари қайд этган юқори натижалари учун “Президент совғаси” — “Спарк” автомобили билан тақдирланди.

Ҳозирда Навоийда 35 мингдан ортиқ ўқувчи замонавий дастурлашни ўрганмоқда, 18 567 нафари “Бир миллион дастурчи” лойиҳа доирасида сертификатларини қўлга киритган.

Мактабнинг бир қатор информатика фани ўқитувчиларига
“Халқ таълими аълочиси” кўкрак нишони, ноутбук ҳамда фахрий ёрлиқлар топширилди.

Таъкидлаш жоизки, 2020 йил якунлари бўйича “Бир миллион дастурчи” лойиҳаси доирасида энг фаол информатика ўқитувчилари Навоий ҳиссасига тўғри келган.

Ҳурматли мактаб раҳбарлари!

Uzbekcoders.uz (https://www.uzbekcoders.uz/) орқали “Бир миллион дастурчи” лойиҳаси доирасида сиз ҳам мактабингиз ўқувчиларига дастурлашни ўргатинг ва автомобиль соҳиби бўлинг!

Туман ҳокимлиги ахборот хизмати