OLIY VA O‘RTA MAXSUS TA’LIM VAZIRINING VIRTUAL QABULXONASI O‘Z ISHINI BOSHLADI

Подробности

Категория: Jamiyatdagi

Просмотров: 623

«Синовлар эл-юртимизни янада бирлаштирди» — Шавкат Мирзиёев

Ўзбекистон Президента Шавкат Мирзиёев мамлакат халқини Янги йил билан табриклади. Давлат раҳбари телетабрикни бевосита ўзи йўллади.

Батафсил...

Подробности

Категория: Jamiyatdagi

Просмотров: 1089

Shu yil 20-sentabr kuni O`zbekiston Respublikasi Oliy va o`rta maxsus ta’lim vazirligining navbatdagi Hay’at Kengashi majlisi video-selektor shaklida o`tkazildi.

Батафсил...

Подробности

Категория: Jamiyatdagi

Просмотров: 673

O‘zbekiston Respublikasi Prezidenti Shavkat Mirziyoyev Yangi yil arafasida – 2016-yil 30-dekabr kuni mamlakatimizning yetakchi ilm-fan namoyandalari bilan uchrashdi.

Uchrashuvda hukumat a’zolari, vazirlik va idoralar, davlat va jamoat tashkilotlari, tijorat banklari rahbarlari, Fanlar akademiyasi a’zolari, yetakchi oliy o‘quv yurtlari rektorlari ishtirok etdi. Davlatimiz rahbari yig‘ilganlarni kirib kelayotgan Yangi yil bayrami bilan samimiy tabrikladi. Birinchi Prezidentimiz Islom Karimov rahnamoligida fan va ishlab chiqarish hamkorligini mustahkamlash, ta’lim tizimini rivojlantirish, innovatsion iqtisodiyot taraqqiyotiga alohida e’tibor qaratilganini ta’kidladi. Bugungi zamon barcha sohalar qatorida ilm-fanni ham yangi bosqichga ko‘tarishni talab qilmoqda. Zotan, jamiyat oldida turgan dolzarb masalalarni ilm-fansiz yechish qiyin. Mazkur sohani va olimlarni har tomonlama qo‘llab-quvvatlash davlatimizning ustuvor vazifalaridandir. Bu boradagi ishlar bugun izchil va tizimli ravishda davom ettirilmoqda. Davlatimiz rahbari Shavkat Mirziyoyevning yaqinda qabul qilingan O‘zbekiston Respublikasi Fanlar akademiyasi akademiklari faoliyatini takomillashtirish va rag‘batlantirish to‘g‘risidagi farmonida mamlakatimiz ijtimoiy-iqtisodiy taraqqiyotida ilm-fanning o‘rnini yanada mustahkamlash, akademiklar faoliyatini har tomonlama qo‘llab-quvvatlash, yuqori malakali ilmiy kadrlar tayyorlash sifatini oshirishni rag‘batlantirish maqsadida bir qator muhim chora-tadbirlar belgilangan. Ilm-fan bilan shug‘ullanish, yangi kashfiyot va ixtirolar qilish igna bilan quduq qazishdek gap, dedi Prezidentimiz. Shunday ekan, bu mashaqqatli sohada fidokorona mehnat qilayotgan olimlarimiz mehnati tahsin va rag‘batga munosib. Mamlakatimiz va jamiyatimizning zamon talablari darajasida rivojlanishini ilm-fansiz tasavvur qilish qiyin. Ilm-fan taraqqiyotida fundamental tadqiqotlar muhim ahamiyat kasb etadi. Aynan ular orqali yangi bilimlar o‘zlashtiriladi va nazariyalar shakllantiriladi, kelgusi amaliy tadqiqotlar va innovatsion ishlanmalar uchun mustahkam asos yaratiladi. Mamlakatimizda amalga oshirilayotgan tadqiqotlarning hammasini ham ilm-fanning bugungi yuqori rivojlanish darajasiga to‘la javob beradi, deb bo‘lmaydi. Yuqori texnologik ilmiy mahsulotlarni amaliyotga joriy etish uchun yangi zamonaviy tajriba-ishlab chiqarish, konstruktorlik-texnologik tashkilotlar hamda innovatsiya markazlarini tashkil etish zarur. Marketing va litsenziyalash xizmatlari talab darajasida emas. Bu mamlakatimiz ilmiy-innovatsion mahsulotlarini amaliyotga keng tatbiq etishda yaqqol sezilmoqda. Fan, ta’lim va ishlab chiqarish integratsiyasini yanada takomillashtirish muhimligi alohida qayd etildi. Yangi texnologiyalarni joriy qiluvchi korxonalarga imtiyozlar va preferensiyalar berish ilm-fanga investitsiya kiritadigan korxonalar soni sezilarli darajada oshishida muhim ahamiyat kasb etadi. Mavjud ilmiy salohiyat va mablag‘larni iqtisodiyot tarmoqlarining buyurtmalari va muayyan muammolarni yechishga qaratilgan eng muhim ustuvor tadqiqotlarga yo‘naltirish zarur. Jahonning yetakchi institutlari, universitetlari, ilmiy markazlari va Fanlar akademiyalari bilan ilmiy hamkorlikni yanada rivojlantirishni zamonning o‘zi talab qilmoqda, dedi Prezidentimiz. Xorijning yetakchi o‘quv va ilmiy muassasalarida ta’lim va ilmiy daraja olgan yurtdoshlarimiz uchun mamlakatimizda qulay shart-sharoitlar yaratib berish, ularni rag‘batlantirish choralarini ko‘rish kerak. Mamlakatimizda yuqori salohiyatga ega, jahon miqyosida e’tirof etilgan olimlar ko‘p. Ular o‘z maktablarini yaratishi, shogirdlar tarbiyalashi lozim. Yosh avlodni salohiyatli kadrlar etib tarbiyalashdagi birinchi bosqich – maktab ta’limini tubdan takomillashtirish, ilmiy kadrlar va yuksak malakali mutaxassislar tayyorlash jarayonining uzluksizligini ta’minlash zarur. Bu yo‘lda hech narsani ayamaymiz, dedi davlatimiz rahbari. Shavkat Mirziyoyevning saylovoldi uchrashuvlarida ilgari surilgan takliflar, jumladan, zamonaviy texnoparklar, Akademiklar shaharchasida erkin iqtisodiy hudud maqomiga ega bo‘lgan Innovatsion markaz tashkil etish bo‘yicha tashabbusi ilmiy-tadqiqot institutlari, ta’lim muassasalari va sanoat korxonalarining raqobatbardoshligini oshirish, sohaga mahalliy va xorijiy investorlarni keng jalb etish imkonini berishi ilm-fan ahli tomonidan alohida ta’kidlandi. Uchrashuvda O‘zbekiston Respublikasi Fanlar akademiyasi prezidenti Sh.Solihov, Fanlar akademiyasi akademiklari A.Qayumov, M.Salohiddinov, R.Ubaydullayeva, S.Rashidova, A.Glushenkova, T.Daminov, J.Bozorboyev, B.Yo‘ldoshev, B.Nazarov va boshqalar Prezidentimizning yaqinda qabul qilingan farmoni soha rivojida muhim rol o‘ynashini ta’kidlab, mavjud dolzarb masalalar, mamlakatimizda ilm-fan hamda innovatsion faoliyatni yanada rivojlantirish yuzasidan o‘z fikr-mulohazalari va takliflarini bildirdi. Prezidentimizga mamlakatimizda ilm-fan va innovatsion faoliyatni qo‘llab-quvvatlayotgani, ilm ahlini rag‘batlantirishga qaratayotgan alohida e’tibori uchun samimiy minnatdorlik izhor etdi. Prezidentimiz Shavkat Mirziyoyev iqtisodiyotimizning barcha sohalari taraqqiyotida ilm-fanning o‘rni, ahamiyati g‘oyat katta ekani, bu borada davlatimiz birinchi galda Fanlar akademiyasi va olimlarga suyanishini, fan va ishlab chiqarish hamkorligi bugun nihoyatda dolzarb ekanini alohida ta’kidladi. Yig‘ilganlarni yana bir bor Yangi yil bayrami bilan qutladi.

Источник: uza.uz

Подробности

Категория: Jamiyatdagi

Просмотров: 950

O`zbekiston Respublikasi Oliy va o`rta maxsus ta’lim vazirligida “Oliy ta’lim muassasalarining pedagog va rahbar kadrlarini qayta tayyorlash va malakasini oshirish jarayonlarini takomillashtirish mazmuni hamda ilg`or xorijiy tajribalar” mavzuida matbuot anjumani o`tkazildi.

Unda yetakchi oliy ta’lim muassasalari rektorlari va xalqaro ekspertlar hamda ommaviy axborot vositalari xodimlari ishtirok etdi.

Anjumanda so`z olganlar, O`zbekiston Respublikasining Birinchi Prezidenti tomonidan 2015-yil 12-iyundagi “Oliy ta’lim muassasalarining rahbar va pedagog kadrlarini qayta tayyorlash va malakasini oshirish tizimini yanada takomillashtirish chora-tadbirlari to`g`risida” gi Farmoni ijrosini ta’minlashda Oliy va o`rta maxsus ta’lim vazirligi, Bosh ilmiy-metodik markaz hamda Tayanch oliy ta’lim muassasalari huzuridagi tarmoq markazlari tomonidan tizimli ishlar amalga oshirilayotgani qayd etib o`tildi.

Tadbirda pedagog kadrlarni qayta tayyorlash va malakasini oshirishning ustuvor yo`nalishlari bo`yicha xorijiy mutaxassislar hamkorligida qator o`quv rejalar va dasturlar ishlab chiqilganligi alohida ta’kidlab o`tildi.

Mazkur o`quv rejalariga, 401 ta yangi modullar kiritilib, qayta tayyorlash va malaka oshirish kurslari uchun mazkur modullarga mos 325 nomdagi xorijiy adabiyotlarning elektron variantlari olinib, ular asosida yangi kiritilgan o`quv modullari bo`yicha 325 ta o`quv uslubiy majmua tayyorlandi.

Hozirgi kunda pedagog kadrlarni qayta tayyorlash va ularning malakasini oshirish bo`yicha tayanch oliy ta’lim muassasalari huzuridagi tarmoq markazlariga direktor o`rinbosari sifatida Janubiy Koreya, Italiya, Avstriya, Yaponiya, AQSh, Ispaniya, Fransiya kabi davlatlardan 15 ta xorijiy mutaxassislar jalb etildi.

Aprel-may oylarida nomzodlar uchun Germaniya, Yaponiya, Angliya, Janubiy Koreya, Italiya, Ispaniya, AQSh, Portugaliya kabi davlatlardan jalb etilgan 34 nafar xorijiy mutaxassislar ishtirokida 24 soatga mo`ljallangan qisqa muddatli trenerlar tayyorlash kurslari tashkil etildi.

Xorijiy tajribalar asosida oliy ta’lim muassasalari rahbar kadrlarini qayta tayyorlash va ularning qayta tayyorlash va malaka oshirish kurslarining o`quv-me’yoriy va metodik ta’minotini takomillashtirish maqsadida Yevropa Komissiyasining Erasmus+ loyihasi doirasida Latviya, Buyuk Britaniya, Gretsiyaning nufuzli universitetlari hamda O`zbekistondagi Britaniya Kengashi bilan hamkorlikda qator loyihalar amalga oshirilmoqda.

Источник: Axborot xizmati

14.09.2016