- Подробности
- Категория: Qishloq xo'jaligi
- Просмотров: 544
ХИРМОН БАРАКАЛИ БЎЛАДИ
Маълумки, жорий йилда вилоятимиз “кумуш тола” ижодкорлари минг тоннадан ортиқ пилла хомашёси етиштириш учун самарали меҳнат қилишди. Айни кунда “элакни сувдан кўтариш” вақти келди ва пилла ҳосилини топшириш бошланди.
Ҳафта бошида “Кармана пилла толаси” масъулияти чекланган жамиятида жорий йил ҳосилининг дастлабки килограммларини қабул қилишга бағишланган тантанали тадбир бўлиб ўтди. Унда иштирок этган вилоят ва туман ҳокимликлари, жамоатчилик ташкилотлари вакиллари ушбу қимматбаҳо хомашёни етиштиришнинг машаққатлари, пиллакорларга давлатимиз раҳбарияти томонидан қаратилаётган эътибор хусусида тўхталдилар. Пилла карвонини бошлаб берган туманимиздаги “Шахноза” фермер хўжалиги аъзолари Сайёра Намозова ҳамда Камол Рўзиевларни ва тадбирда йиғилган бошқа пиллакорларни қизғин қутлаб, меҳнати учун ташаккур билдиришди. Уларга ташкилотчилар томонидан эсдалик совғалари тақдим этилди.
— Менга икки қути пилла уруғи берилган эди, — дейди биз билан суҳбатда С. Намозова. — Оила аъзоларим ва яқинларим билан бирга бир ой давомида уни асраб-авайлаб, парвариш қилдик. Дуч келинган муаммоларни ҳал этишда бизга туман мутахассислари, хўжалик етакчилари яқиндан ёрдам беришди, моддий томондан ҳам қўллаб туришди. Бугун меҳнатимиз самараси бўлмиш юқори сифатли пилла етиштириб, давлатга 150 килограмм ҳосил топширдик ва шартномавий мажбуриятимизни тўлиқ бажардик. “Кумуш тола”нинг асосий қисмини уруғлик пилла ташкил этади.
Шу куни МЧЖ томонидан 300 килограммга яқин хомашё қабул қилиб олинди. Вилоятимиз миришкорлари томонидан пилла топшириш давом этмоқда.
О. ҲАЙИТОВ
06.06.2017
- Подробности
- Категория: Qishloq xo'jaligi
- Просмотров: 1623
ПИЛЛАЧИЛИК: ИМТИЁЗЛАР, РЕЖАЛАР, АМАЛИЙ ИШЛАР
Пиллачилик юртимиз қишлоқ хўжалигининг муҳим тармоқларидан саналиши билан бирга, ипак ишлаб чиқариш ота-боболаримизнинг бой маданий мероси ҳамдир. Шу боис, мазкур қадриятни давом эттириш бугунги даврнинг муҳим масалаларидан саналади.
Бироқ, яна шуни ҳам таъкидлаш керакки, айни пайтда дунёда кимё саноатининг жадал ривожланиб, синтетик тола ишлаб чиқариш ҳажмларининг ошаётгани жаҳон бозорида ипак маҳсулотларига бўлган талабнинг пасайишига ҳам олиб келди.
- Подробности
- Категория: Qishloq xo'jaligi
- Просмотров: 695
ТЎКИН ЮРТНИНГ ТЎКИС НЕЪМАТЛАРИ
Юртимизда тадбиркорликка қаратилаётган эътибор аҳолини иш билан таъминлаш масаласида муҳим омил бўлаётгани билан бирга бу орқали мамлакатимиз бозорларини арзон ва сифатли маҳаллий маҳсулолар билан тўлдириш имкониятлари кенгаймоқда.
Айни ҳақиқатни туманимизнинг “Варқ” маҳалласи ҳудудида фаолият юритиб, Англия куркасидан тортиб Африка лаққа балиғигача парваришлаётган “Рамазон-Барҳаёт” оилавий корхонаси мисолида ҳам кўриш мумкин. Бугунги кунда 9 нафар ишчиходим фаолият юритаётган корхонада ҳар йили 50 тоннагача товуқ, 10 тонна курка гўшти ва яна 10 тоннага яқин балиқ гўшти маҳсулотлари етиштирилаяпти.
2013 йилда гўшт етиштириш йўналишини 1000 бош парранда боқишдан бошланган корхона фолияти кенгайиб, янги тармоқлар йўлга қўйилади. Айни чоғда асаларичиликда ҳам салмоқли ишлар олиб борилмоқда. Ҳозирда корхонада 20 та асалари оиласи мавжуд.
— Англиядан “ВК-6” зотли куркаларни келтириб парваришлашни ўтган йилдан бошлаганмиз, — дейди биз билан суҳбатда оилавий корхона раҳбари Самат Ахмедов. — 240 миллион сўмлик банк кредити эвазига 3 минг бош курка жўжалари олиб келинганди. Мазкур турдаги куркалар маҳаллий зотлардан анча фарқ қилади. 6 ой давомида махсус емиш билан боқилса, 15-20 килограммгача гўшт бериши мумкин. Ҳозирда ушбу маҳсулотларимизнинг биринчи навбати тайёр бўлиб, курка гўштини бозорга чиқараяпмиз. Жорий йилда 5 минг бош жўжа келтириб парваришлаш борасида иш олиб бормоқдамиз.
Африка лаққа балиғининг ўзгача таъми, тез етилиши, юртимиз иқлим шароитида уни парваришлаш имконияти мавжудлиги боис бугунги кунда кўпчилик балиқчилик хўжаликларида ушбу балиқни учратиш мумкин. “Рамазон-Барҳаёт” оилавий корхонасида мазкур йўналишда 3 йилдан буён кенг кўламли ишлар олиб борилаётган бўлиб, бу ерда маҳаллий зотли балиқларни парваришлаш билан бирга, Африка лаққа балиқлари етиштиришга катта аҳамият қаратилмоқда. Ўтган йилнинг ўзида мазкур турдаги 3-4 тонна балиқ маҳсулоти сотилган бўлса, ҳозирда 10 тонна маҳсулот тайёр турибди.
— Навбаҳор туманининг Ижанд қишлоғи ҳудудида, Зарафшон дарёси бўйида 5 гектар майдонда табиий 1 та ҳамда ундан ташқари ўзимизнинг туманда ҳам катта-кичик 2 та сунъий ҳовузимиз бор, — дейди корхона раҳбарининг тўнғич ўғли Элмурод Ахмедов. — Уларда балиқларнинг 5-6 тури етиштирилади. Сунъий ҳовузларимизда асосан Африка лаққа балиқларини етиштираяпмиз. Бу турдаги жониворлар иссиқсевар, сувнинг ҳарорати 18 даражадан 25 даражагача бўлиши зарур. Уларнинг емиши асосан майда балиқлар саналади. Шу боис мазаси ҳам ўзгача. Яхши парвариш қилинса 6 ой давомида 2-3 килограммгача гўшт қилиши мумкин.
Корхонанинг интенсив усулда балиқ парваришлаш жараёнларини кузатар эканмиз, мазкур субъектда ушбу соҳада катта тажриба тўпланганлигининг гувоҳи бўлдик. Бир тарафда тайёр маҳсулот, яна бир томонда эндигина ҳовузга келтирилиб ташланган балиқ чавоқлари, бошқа ҳовузда эса етилаётган балиқлар – ушбу жараённинг узлуксиз йўлга қўйилганлиги корхона фаолияти барқарорлигини кўрсатиб турибди.
Умуман олганда, Самат аканинг бройлер жўжа етиштиришдан тортиб, балиқ парваришлашгача бўлган иш услубидан ўрганган кишилар сони бугунгача 100 нафарга яқинни ташкил қилади. У кишининг шогирдлари нафақат туманимизда, балки қўшни Хатирчи, Навбаҳор, Нурота туманларида ҳам кўплаб топилади.
Корхонада парранда ҳамда балиқлар учун махсус ем тайёрлаш ишлари йўлга қўйилган. 6-7 хил маҳсулот асосида гранула кўринишида озуқа тайёрлаб берадиган хориж технологиясининг ишлаб чиқариш қуввати соатига 1,5 тоннани ташкил этади. Бу корхона фаолияти ривожида ўзига хос омиллардан саналади, албатта.
Бугунги кунда бозорларимизни арзон гўшт маҳсулотлари билан таъминлаш муҳим масалалардан саналади. “Рамазон-Барҳаёт” каби тадбиркорлик субъектларининг мазкур йўналишда олиб бораётган фаолияти неъматлари тўкис бўлган юртимизда тўкин-сочинлик билан бирга аҳоли фаровонлигига эришишда ҳам асқотмоқда.
Озод МУСТАФОЕВ.
Суратлар муаллифи
Сирож АСЛОНОВ.
13.04.2017
- Подробности
- Категория: Qishloq xo'jaligi
- Просмотров: 609
МАҲСУЛДОРЛИК ВА ДАРОМАД МАНБАИ
Вилоятимизда зотли моллар бош сонини кўпайтириш, четдан маҳсулдор қорамоллар келтириб парваришлашни йўлга қўйиш, маҳаллий сигирларни сунъий уруғлантириш орқали улардан зотли бузоқлар олиш борасида бир қатор ишлар олиб борилмоқда.
— Вилоятимизга бугунги кунда асосан Эстония, Латвия, Украина, Германия давлатларидан зотли қорамоллар келтирилмоқда, — дейди вилоят чорвачиликда наслчилик ишлари давлат инспекцияси раҳбари Ж. Улашов.
- Подробности
- Категория: Qishloq xo'jaligi
- Просмотров: 689
ТУМАНИМИЗДА СОЯ ЕТИШТИРИЛАДИ
Дунёнинг 60 дан зиёд мамлакатларида етиштирилаётган соя экинини юртимиз қишлоқ хўжалигига кенг тадбиқ этиш юзасидан давлатимиз томонидан 2017-2021 йилларда амалга ошириладиган чора-тадбирлар дастури қабул қилинди.
